မင်းမရှိတဲ့ နောက်ပိုင်းနှစ်

ရေလည်း သောက်မကောင်းဘူး
အစားအသောက်တွေလည်း မဆင်မပြေဘူး
ပေါင်းသင်းခဲ့သမျှ လူတွေကလည်း စိတ်ညစ်ဖွယ်ရာ
ရှင်သန်မှုကို လိမ်ညှစ် ခံရတာ မီးထွက်မတတ်

ပြောင်းသောက်စရာ မရှိတော့လို့သာ
ဝီစီကီ သောက်ရတာလည်း အရသာမရှိ
ဒီလိုနဲ့ ကျေနပ် နှစ်သိမ့်နေရသလို
ဘ၀များ ပျက်ချင်ရင်
သောက်နေတဲ့ အရက် ချိုလာတယ်တဲ့
ဒဿနတွေ
လူတတ်ယောင်ကားတွေ သုသာန်ပန်းတွေ
မမီမကမ်း အတုတွေ လူမှုရေး အတ္တရှေ့ဆောင် အဖွဲ့အစည်းတွေ
ခေတ်ရဲ့ တပ်ဆင်မှု ပေတံတွေ
လွဲနေတဲ့ အကြောလွဲမှုတွေ
ကျိုင်းကောင်အုပ်ကြီး ဖြတ်ပြေးသလို
ငါလည်း သေမယ့်နေ့ကို စောင့်နေတယ် ဥာဏ်လင်းမင်း။

အခု လောလောဆယ်တော့
ချေဂွေဗားရား မိတ္တူတွေ ထွက်လာတယ်
ဟိုဆေးရီဇော် ဆေးခန်းတွေ မှိုလိုပေါက်လာတယ်
ဒေါက်တာ နိုက်တင်ဂေး စာကြည့်တိုက်တွေ လက်မှတ်တုနဲ့ ရှိလာတယ်
ဂျူလီယက် ဖူးချစ်ကြိုးစင်ပေါ်က မှတ်တမ်းများ
မိတ္တူ ပြန်ရိုက်ထုတ်နေတယ်
ပြန်ရိုက်လို့ မရတဲ့ အမှန်တရားက နန်းဗောဗီးလား
မဟူရာ မေတ္တာလား ဂေါ်ဂီအမေလား
ကွီလား သံမဏိကြက်ခြေလား
ဗားတော့ဗရက်ကဗျာစုလား
လစ္စဘွန်းက တစ်ညလို ငါ့နွေတစ်ည ညည့်နက်ထဲက ဆိုင်ကယ်သံများ
ဘယ်တော့မှ ပြန်မရောက်တဲ့ မသိန်းရှင် နေ့စွဲများ
အမေ ကျွန်တော်တို့မှာ ညီအစ်ကိုများစွာ ရှိတယ်ဆိုတဲ့
မင်းကြိုက်တဲ့ ကိုခင်ဝမ်းသီချင်းလို
မင်းကို သတိရမိမှာစိုးလို့
ရေဒီယိုတောင် ဖွင့်နားမထောင်ဖြစ်ခဲ့ဘူး။

နွံထဲမှာ ဘ၀ကို ကျွံသူတွေ
သစ်သားထဲက အဆီစုပ်သလို စုတ်ပြီး
အနုပညာကို မျှော့လိုတွယ်နေတဲ့ မှိုလိုခံစားမှုနဲ့
လူမမာကို ကဗျာတွေပြာလို လွင့်နေတယ်
အိပ်နေတဲ့ ခွေးကို တုတ်နဲ့ထိုးသလိုပဲ။

အခုနောက်ပိုင်းမှာ
အိုဘားမား အာဏာရပြီးတဲ့နောက်မှာ
ငြိမ်းချမ်းရေးနိုဗယ်ဆုရတာလည်း အိုဘားမားပဲ
ငါသေရင်တောင်
မင်းကို သင်္ဂြိုဟ်ခဲ့တဲ့ ကတက်ကုန်းကို
ရောက်မှာမဟုတ်တော့ဘူး
အနိစ္စကိုယ်တိုင်တောင် မမြဲတော့
မြဲနေတာတွေကြည့်ပြီး မင်းကို သတိရတယ် ဉာဏ်ကြီး။

အမေရိကန် ရုပ်ရှင် ဒါရိုက်တာ လူဝီမိုးလ်စတုန်း ပြောသလို
သူမလုပ်ချင်တဲ့ အလုပ်ကို
လုပ်ချင်တဲ့ အလုပ်ထက် ပိုလုပ်နေရတယ်တဲ့
ငါလည်း သွေဖည်မှုတွေနဲ့ နေသား ကျနေပြီ
အပြောင်းအရွှေ့ မတည်ငြိမ်တဲ့ ခေတ်မှာ
ဒါနဲ့ပဲ အသက် ၃၅ နှစ် ပြည့်ခဲ့ပေါ့။

စစ်နဲ့ငြိမ်းတာ လက်ပိုက်ကြည့်ပြီး
ငါ့အိမ်ရှေ့က ဒန်းကြီးပင် ရနံ့တွေ
တစ်လမ်းလုံး လန်းစေချင်သလို
အိမ်ရှေ့ သပြေပင်က သပြေညွန့်တွေလည်း
ရွှေလိုနူးညံ့စေချင်တယ်
ဘုတ်ရေကငင် ၀င်ရေကတွန်း
လှိုင်းထက်မှာ ရေကစားခံရတဲ့ ငါတို့
အခုထိနိုင်ငံခြားသွား အလုပ်မလုပ်ရဲတာလည်း အားရစရာ
အခုထိ မကြီးပွားသေးတာလည်း အားရစရာ
လူပျိုလူလွတ် စိတ်ကူးတွေနဲ့
လွယ်လွယ်နေတာလည်း အားရစရာ
ပျင်းဖို့ကောင်းလာတော့ မာဒီနီလေးမျိုချင်
ချိဗက်စ်လေးသောက်ချင်
ဦးချိုရှိသော သတ္တ၀ါ ဦးချို အားကိုးသည်ဆို သကဲ့သို့
EPL  ပွဲတွေကြည့်လိုက်
ချန်ပီယံလိဂ် ပွဲတွေကြည့်လိုက်
MNL ပွဲတွေကြည့်လိုက်
ပြက်လုံး ထုတ်စရာ မလိုဘူး
လေးဖြူ၊ အငဲ၊ မျိုးကြီးရဲ့
LNM ကို နားထောင်ပြီး
ဒီဘက်ခေတ်တွေကို ဘီယွန်းဆေးနဲ့ငြိမ့်
ဗနက်ဆာမေးနဲ့ခံစား
သောကကင်းဝေးနေထိုင်ရေး
ငါမဖတ်မိတဲ့ တန်ဖိုးပေါ့။

ငါးစိမ်းတန်းဖြတ်ပြီး ငါးညှီနံ့ကို
ဟင်းခတ်အမွှေးအကြိုင်နဲ့ ဖြည့်ပြီး
ရင်ခုန်အရသာ ခံမိသလို
ဒီနှစ် နှင်းတွေတော်တော်ကျတယ်
ဒါပေမယ့် မအေးဘူး
နံပြားဖိုထဲ ဂျုံမရှိရင်
နံပြားဖိုဆိုတာ ဖြစ်လာမှာ မဟုတ်ဘူး
တစ်ခါမှ မငတ်ဘူးတဲ့ အချစ်အတွက်
နွေဦးသစ်ရွက်ကြွေသလို တွေးတောပြီး
ဒီကဗျာကို ခင်မင်မှု ငတ်ကြီးကျပြီး ရေးခဲ့
ဒါသေချာတယ်
မင်းလည်းကဗျာဆရာ ငါလည်းကဗျာဆရာ
မင်းမရှိတဲ့ နောက်ပိုင်းနှစ်မှာရတဲ့ ကဗျာ
ဒါ... ကဗျာပဲ သူငယ်ချင်း။     ။

                  တိုးနှောင်မိုး
                  (Teen မဂ္ဂဇင်း၊ဖေဖေါ်ဝါရီလ ၂၀၁၁)